Ішкі істер министрлігі Салтанат Нүкенованың анасының бұрынғы Ұлттық экономика министрі Қуандық Бишімбаев баланы қағып өлтірді деген сөзіне қатысты пікір білдірді, деп хабарлайды «Адырна» тілшісі Tengrinews.kz-ке сілтеме жасап.
Әйелін ұрып өлтірді деген күдікке ілінген Ұлттық экономика экс-министрі Қуандық Бишімбаевқа қатысты сот процесінде жәбірленушінің анасы айыпталушыны бұған дейін де қылмыс жасады деп мәлімдеген болатын.
"Өткенің туралы айтқың келмей ме? Баланы қалай қағып өлтіргенің туралы", - деді ол сотта.
Министрлік бұл ақпаратқа қатысты түсініктеме берді.
«Бұл адамға қатысты қылмыстық қудалау және оны қылмыстық жауапкершілікке тарту туралы мәлімет жоқ екенін хабарлаймыз»,—делінген ІІМ жауабында.
