Астананың қылмыстық істер жөніндегі мамандандырылған ауданаралық сотында әйелі Нүкенованы өлтірді деп айыпталған экс-министр Қуандық Бишімбаевтың соты болуда, деп хабарлайды “Адыра” ұлттық порталы.
Сотта Бишімбаевтың қылмысын жасырды деп айыпталған Бақытжан Байжановтан жауап алынуда. Ол Байжанов Салтанаттың сол күні ес-түссіз жатқанын көрген.
Айтуынша, Бишімбаев Нүкеноваға жиі қол көтеретін.
«Менің қазақы тәрбием мен мінезім өзімнен әлдеқайда үлкен Бишімбаевқа кеңес беруге, олардың отбасылық өміріне, қарым-қатынасына араласуға мүмкіндік бермеді», - деді ол.
Экс-министрдің туысы өз сөзін марқұм қыздың отбасы мен жақындарына көңіл айтудан бастады.
Ол 9 қараша күні таңертең Гастроцентрге келгенде Бишімбаевтың түні бойы жанжал шығарып, алкогольдік ішімдік ішіп, Салтанатты тағы да соққыға жыққанын білгенін айтты. Байжанов ол кезде жағдайдың қаншалықты ауыр екенін түсіне алмағанын баса айтты.
"Салтанатқа мұндай қауіп төніп тұрғанын елестете алмадым. Мен бұл өмір мен өлім мәселесі деп ойлаған емеспін. Бұл ақталу емес. Мен жай ғана байқамадым, мен шынымен не болып жатқанын түсіне алмадым. Бұл менің кінәм, енді осыған қатты өкінемін", - деді Бақытжан Байжанов.
Байжанов сағат 9.30 шамасында Бишімбаевтың өзіне телефон соғып, мейрамханаға шақырғанын айтты. Келгеннен кейін ол ерлі-зайыпты отырған VIP-кабинканың есігін қақты. Байжановтың айтуынша, Бишімбаевтан ішімдіктің иісін сезген, бірақ ол есін білген, ол жалаңаш денесіне қара костюм киген.
"Мен кабинкаға кірейін деп жатқан кезде бұрыштағы диванда отырған Салтанатты көзімнің қиығымен байқадым. Оның үстінде алды жартылай ашық қара плащ болды, менің плащ астында киім жоқ екенін байқап қалдым. Салтанаттың сырт келбеті, дәлірек айтсақ, ішінде киімі жоқ жартылай ашық плащ мені таңғалдырды. Мен бірден көзімді басқа жаққа бұрдым. Әрине мен оған зер салып қарай алмадым. Сол сәтте мен Салтанаттың басы төмен салбырап тұрғанын байқадым, сол себепті мен оның сол жақ көзінің ісінгені мен қызарғанын бірден байқамадым, беті жасырынып тұрды", - деді ол.
Байжанов Бишімбаевтың сұрауымен оған көрпе әкеліп беріп, есік алдында күтіп тұрғанын түсіндірді. Сосын Бишімбаев оны ішке кіруге шақырған.
"Салтанат жиі және қаттырақ тыныстап жатқанын естідім, мен ол жай ғана ұйықтап жатыр деп ойладым. Шынымды айтсам, ол кезде мен оған аса мән бермедім. Бұл менің секемденуіме себеп болмады, өйткені мен олардың түні бойы ұйықтамағанын және ішімдік ішкенін білетінмін. Мен оны қатты шаршаған деп ойладым. Қазір өз алаңсыздығым оның тез тыныс алуын шаршау деп ойлауыма әкелгенін түсіндім", - деді ол.
Ол Бишімбаев екеуі Салтанатты көтергенін, Салтанат орнынан тұрып жатқанда Байжановтың қолын қысқанын түсіндірді.
"Ол басын сәл көтерді, тік ұстады деуге болады. Қолымды қатты қысты. Қазір ойлап отырсам, мүмкін сол кезде Салтанаткөмек сұрағысы келген шығар, әлдебір белгі берді ме екен. Білмеймін, мұны да ойлап жүрмін. Сол күні Салтанаттың ауыр халін түсіне алмағаныма өкінемін. Ол жағдайдың ауырлығын жете бағаламадым", - деді Байжанов.
Сотталушының айтуынша, ол кейін марқұмның сол жақ көзінің ісініп, қызарғанын байқаған. Байжанов кабинкада тас-талқан болып жатқанын көргенде олардың арасында тағы бір жанжалдың болғанын түсінгенін және Бишімбаевтың Салтанатқа жиі қол көтеріп жүргенін бұрыннан білгенін айтты.
Сондай-ақ сотталушы бейнебақылау камераларынан жазбаларды өшіріп тастағанын, бірақ оларда қылмыс белгілері болуы мүмкін деп ойламағанын айтты. Байжанов мұны басқа қызметкерлерге сеніп тапсыруы өзінің қылмыстан хабарсыз болғанын дәлелдейді деп есептейді.
Сотталушы Байжанов өз жауаптарында күндіз Нүкеноваға жедел жәрдем шақыруды ұсынғанын, бірақ Бишімбаев оның жай ұйықтап жатқанын, көмек қажет емес дегенін айтты.
Байжановтың айтуынша, кешке ол өз шешімімен жедел жәрдем шақырған.
"Маған Бишімбаев телефон соғып, Салтанаттың тамыры соқпай тұрғанын айтып, тез кел деді. Естіген сөзден шошып кеттім де, бірден екінші қабатқа жүгірдім. Кабинкада бірінші көргенім Бишімбаев Салтанаттың қолын ұстап тұрды, тамыр соғысы жоқ екенін айтты да, менің де тамыр соғуын тексеруімді өтінді. Тексерейін деп едім, бірақ анықтай алмадым, себебі қатты қорқып, тіпті үрейленіп тұрдым деуге де болады. Екіншіден, мұндай істе менде тәжірибе жоқ. Сосын дәрігер досым есіме түсті де, мен оған бірнеше рет қоңырау шалдым, тамыр соғуын таба алмағанымды айттым, тамыр соғысын дұрыс тексеріп жатырмын ба деп сұрадым", - деді сотталушы.
Байжановтың айтуынша, жедел жәрдем диспетчері немесе өзінің таныс дәрігері оған мойындағы тамыр соғуын тексеруге кеңес берген. Салтанаттың мойнындағы жарақатты ол алғаш сол кезде байқаған. Оның айтуынша, бұл кезде Бишімбаев көріпкелмен сөйлесіп тұрған.
"Ол неге жедел жәрдем шақырмайды деп ойладым. Сондықтан телефонымнан жедел жәрдемді өзім шақырдым, мән-жайды түсіндірдім, содан кейін диспетчердің нұсқауымен 10-15 минуттай реанимациялық шараларды жүргіздім", - дейді Бақытжан Байжанов.
Естеріңізге сала кетейік, Бақытжан Байжанов қылмысты жасырды деген күдікке ілінген.
