Мемлекет басшысы Қасым-Жомарт Тоқаевтың иттері туралы мәлімет шықты, деп хабарлайды “Адырна” ұлттық порталы “ҚазАқпарат” агенттігіне сілтеп.
Мәлімет бойынша, президенттің үш асыл тұқымды тазысы бар. Оның бірі – қызғылт-сары түсті Наурыз атты күшік. Бұл тазыны былтыр Мемлекет басшысына ит асыраушы Анна Захарова сыйға тартқан. Қазір Наурыз 1 жас 4 айға толды.
Қалған екеуі – 4 жасар, ақшыл-сары түсті Ронни деген арлан тазы мен 5 жасар ақшыл түсті Нэнси.
Иттер қоршалған аумақта, жылы үйшікте күтіп-бапталады. Арнайы сертификаты бар кинолог маман оларды үйретіп, саятшылыққа баулиды.
Қасым-Жомарт Тоқаев бос уақытында тазыларымен серуендегенді ұнатады.
