Ресей президенті Владимир Путиннің немере ағасы Евгений Путин қайтыс болды, деп хабарлайды "Адырна" тілшісі IvanovoNews агенттігіне сілтеп.
Путиннің ағасы 90 жасқа келгенде көз жұмды. Ресейдегі БАҚ-тың жазуынша, ол 10 наурыз күні өмірден өткен. Алайда қайда жерленгені белгісіз.
Евгений Путин - ауыл шаруашылығы саласында түрлі қызметтер атқарып, кеңшар директоры да болды.
Ресей президенті Владимир Путиннің немере ағасы Евгений Путиннің ұлы мен қызы бизнес пен саясатта айтарлықтай табысқа жеткен.
Евгений Путиннің ұлы «Газпром» басқарма төрағасының орынбасары. Ал қызы Елена Кемерово облысының губернаторы Сергей Цивилевке тұрмысқа шығып, Ресейдегі ең ірі көмір компанияларының біріне иелік етеді.
