Бүгін Алматыда екі автобус соқтығысып, алты адам зардап шекті. Бұл туралы полиция департаментінің баспасөз қызметі мәлімдеді, деп хабарлайды “Адырна” ұлттық порталы.
«Жол-көлік оқиғасы таңғы сағат 9:00-де Алатау ауданында Бекболат және Жаңа құрылыс көшелері қиылысында болған. 75 және 102 бағытындағы екі автобус соқтығысқан»,- деп хабарлады Полиция департаментінің баспасөз қызметі.
Сондай-ақ, оқиға салдарынан 6 адам зардап шеккен.
Мәлімет бойынша, 75-автобустың жүргізушісі қашықтықты сақтамау салдарынан аялдамада жолаушыларды отырғызып, түсіріп жатқан 102-автобуспен соқтығысқан.