Qazaqstandyq FlyArystan áýe kompanııasy Almaty men Qytaıdyń Sınzıan-Uıǵyr avtonomııalyq aýdanyndaǵy Inın qalasyn baılanystyratyn jańa halyqaralyq baǵytty iske qosatynyn habarlady, dep habarlaıdy "Adyrna" ulttyq portaly Sınhýaǵa siltep.
Maýsymdyq reıster 2024 jylǵy 18 mamyrdan bastalyp, aptasyna eki ret — beısenbi jáne jeksenbi kúnderi oryndalady. Ushý ýaqyty shamamen bir saǵatty quraıdy.
Bul bastama — eki el arasyndaǵy týrızm men ekonomıkalyq yntymaqtastyqty nyǵaıtýǵa baǵyttalǵan mańyzdy qadam. Eske salsaq, 2023 jyldyń 10 qarashasynan bastap Qazaqstan men Qytaı arasynda vızasyz rejım engizilgen bolatyn. Sonymen qatar, 2023 jyl — Qytaıda Qazaqstan týrızminiń jyly bolyp ótse, 2024 jyl — Qazaqstanda Qytaı týrızminiń jyly bolyp jarııalandy.
Buǵan deıin, 2024 jyldyń 15 sáýirinde, Qytaıdyń China Southern Airlines kompanııasy Inın – Almaty baǵytynda halyqaralyq charterlik reısti iske qosqan edi.
