Ұлттық Олимпиада комитетінің президенті Геннадий Головкин Италияда қазақстандық спортшылармен кездесті, деп хабарлайды “Адырна” тілшісі.
Боксшы бұл туралы желідегі жазбасында жариялады.
Геннадий Головкин бокстан ұлттық құрамамен кездесіп, жекпе-жек алдында оларға сәттілік тіледі.
Қазіргі таңда қазақстандық боксшылар 2024 жылғы Олимпиада ойындарына лицензия беретін жарысқа қатысып жатыр.
"Бәріміздің бокс мектебіміз бір. Біз бір командамыз. Өзім де осындай кезеңдерден өткенмін. Сондықтан бапкерлеріңізге сеніңіздер, өздеріңіздің күштеріңізге сеніңіздер", – деді төраға Геннадий Головкин.
