Алматы облысында төрт баланы азаптады деген күдікті ұсталды. Бұл туралы облыстық полиция департаментінің басшысы Бауыржан Әленов айтты, деп хабарлайды «Адырна» тілшісі.
«Жамбыл ауданында балаларға шабуыл жасаған күдікті қамауға алынды. Қазіргі уақытта ол аудандық полицияның уақытша ұстау изоляторына қамалды және оның қатысуымен тергеу әрекеттері жүргізілуде»,—деді ол.
Құрықтау бойынша операция Алматы облысы, Қарасай ауданында өтті.
Айта кетейік, бұған дейін белгісіз ер адамның төрт баланы ұрып-соғып, азаптағаны туралы жазған едік.
<
