Алматыда Satbayev University-нің бас оқу ғимаратынан түтін шығып, студенттер эвакуацияланды. Оқу орнынан түтін шыққан бейне ролик әлеуметтік желілерде тарады, деп хабарлайды “Адырна” ұлттық порталы.
Белгілі болғандай, ғимараттың жылу желісінен ақау шыққан және қабаттардың бірінде жөндеу жұмыстары жүргізіліп жатқан.
«Жөндеушілердің бірі болгарка құралымен жұмыс істеп жатқан сәтте одан шыққан ұшқын шүберек затқа түсіп, ол біртіндеп түтіндеп, иісі шыға бастаған. Шүберек зат өрт сөндірудің барлық ережесіне сәйкес жойылды. Ешқандай өрт шыққан жоқ, бірақ дабыл ойнаған соң, сол қабаттағы адамдар сыртқа эвакуацияланды. Зардап шеккендер жоқ», - деп хабарлады ЖОО баспасөз қызметі.
