Қарағандыда үй ауласында тұрған көлік өртеніп кетті, деп хабарлайды "Адырна" тілшісі ekaraganda.kz сайтына сілтеме жасап.
Қарағандыдағы аулалардың бірінде тұрақта тұрған Mercedes-Benz G 500 көлігі өртеніп кетті. Ашық оттың әсерінен көліктегі газ жабдықтары жарылып кетті
Қарағандыдағы Гапеев көшесіндегі тұрғын үйдің жанында болғаны хабарланған. Аймақтық төтенше жағдайлар департаменті жоғары температура салдарынан жанында тұрған Volkswagen Passat көлігі зақымданғанын айтады. Өрт сағат 04:19-да сөндірілді.
"Үйдің жанында жалпы алаңы 4 шаршы метрді құрайтын Mercedes-Benz G 500 маркалы автокөлігінің қозғалтқыш бөлігінде, аспаптар панелінде және ішкі әрлеуінде жанғыш бөлшектер жанып кетті. Өрт сөндіру қызметі келгенге дейін Mercedes-Benz G 500 автокөлігінде орнатылған газ жабдығынан газ-ауа қоспасы жарылған. Өрттің алдын ала себебі ашық от көзінен болған", - деп хабарлады ведомство өкілдері.
