Qazaqstanda joldardy basqaratyn «Qazavtojol» ulttyq kompanııasynyń Jambyl oblystyq fılıalynyń úsh sheneýnigi qamaýǵa alyndy. Olar Qyrǵyzstanmen shekaradaǵy «Qordaı» baqylaý-ótkizý beketiniń qurylysy kezinde 194 mıllıon teńgeden astam (434 myń dollar) urlyq jasady degen kúdikke ilindi, dep habarlaıdy "Adyrna" ulttyq portaly Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
«Sottyń sankııasymen barlyq kúdiktiler: «Qazavtojol» fılıaly dırektorynyń orynbasary, merdigerdiń ókili jáne tehnıkalyq qadaǵalaý sarapshysy qamaýǵa alyndy», - delingen habarlamada. Istiń basqa málimetteri, qamaýǵa alynǵandardyń aty-jóni habarlanbaıdy.
2020 jyly "Qordaı" ótkizý pýnkti keńeıtilip, qaıta jańartyldy. Jumystar bir jylǵa sozyldy, olardyń quny 5,2 mlrd teńgeni ($11,6 mln) qurady. Tapsyrys berýshi "Qazavtojol", al bas merdiger — "DorStroı"JShS boldy. Nátıjesinde, pýnkttiń ótkizý qabileti táýligine bir-eki jarym myń avtomobılge deıin ósti.
Aıta keteıik, Qazaqstandyq jolshylar atyshýly sybaılas jemqorlyq isterine birinshi ret qatysyp otyrǵan joq. 2019 jyly "QazAvtoJol" Mańǵystaý oblystyq fılıalynyń dırektory men onyń orynbasary óńirde avtojol salý kezinde 500 mln teńge ($1,3 mln) kóleminde para alǵany úshin sot olarǵa alty jylǵa bas bostandyǵynan aıyrý jazasyn taǵaıyndady.
"Adyrna" ulttyq portaly
