Home » Жаңалықтар » Тоқаев Абай мерейтойын мерекелеу туралы заңға қол қойды

Тоқаев Абай мерейтойын мерекелеу туралы заңға қол қойды

Қазақстан Президенті Қасым-Жомарт Тоқаев Абай Құнанбайұлының 175 жылдық мерейтойын мерекелеу туралы заңға қол қойды, – деп хабарлайды Tengrinews.kz тілшісі Ақорда сайтына сілтеме жасап.

2020 жылы қазақ халқының ұлы ақыны, ағартушысы Абай Құнанбайұлының 175 жылдық мерейтойын жоғары ұйымдастырушылық және мазмұндық деңгейде мерекелеуді қамтамасыз ету мақсатында 2019 жылғы 1 шілдеге дейін 2020 жылы қазақ халқының ұлы ақыны, ағартушысы Абай Құнанбайұлының 175 жылдық мерейтойын (бұдан әрі – Абай Құнанбайұлының 175 жылдық мерейтойы) дайындау және өткізу жөніндегі мемлекеттік комиссия құрсын”, – делінген жарлықта.

Президент 2019 жылғы 1 қазанға дейін Абай Құнанбайұлының 175 жылдық мерейтойын дайындау және өткізу жөніндегі жалпыреспубликалық жоспарды бекітуді тапсырды.

Сондай-ақ Тоқаев үкімінде былай делінген:

Абайдың “Жидебай-Бөрілі” мемлекеттік тарихи-мәдени және әдеби-мемориалдық қорық-музейін кешенді жаңғырту жөнінде қажетті шаралар қабылдасын; 2020 жылы Нұр-Сұлтан қаласында Абай Құнанбайұлының 175 жылдық мерейтойына арналған халықаралық ғылыми-практикалық конференция өткізсін; Абай Құнанбайұлының еңбектерін кең таралған негізгі шет тілдеріне сапалы аударуды жүзеге асыру, басып шығару және халықаралық ілгерілету жөнінде қажетті шаралар қабылдасын; Абай Құнанбайұлының 175 жылдық мерейтойын Біріккен Ұлттардың Білім, ғылым және мәдениет мәселелері жөніндегі ұйымы (ЮНЕСКО) мен Халықаралық түркі мәдениеті ұйымы (ТҮРКСОЙ) аясында мерекелеуді ұйымдастыру жөніндегі мәселені пысықтасын; осы Жарлықты іске асыру жөнінде өзге де шаралар қабылдасын.   Осы Жарлықтың орындалуын бақылау Қазақстан Республикасы Президентінің Әкімшілігіне жүктелді.  Абай Құнанбаев 1845 жылы Жидебай шатқалында (Семейден 180 шақырым) дүниеге келген. Шығыс Қазақстан облысына барған кезде Қасым-Жомарт Тоқаев Абай Құнанбаевтың туғанына 175 жыл мемлекеттік деңгейде атап өтілетініне уәде берді. “Біз тарихтан үлгі алатын және ұлы ата-бабаларымызға құрмет көрсететін халықпыз. Абайдың отаны әлемнің түкпір-түкпірінен туристерді қарсы алуға лайықты ірі орталыққа айналуы тиіс. Бұл біздің ата-бабаларымыз алдындағы борышымыз және өскелең ұрпақ үшін жақсы үлгі”, – деді ол кезде Мемлекет басшысы.

Пікір жазу

Почта жарияланбайды. Таңдаулы өрісті толтырыңыз *

*

x

Check Also

Қос баласын әкімдікке тастап кеткен ана өз әрекетін түсіндірді

Шымкент қаласының Абай ауданындағы әкімдікте балаларын қалдырып кеткен әйел не үшін мұндай әрекетке барғанын түсіндіріп ...