Өзбекстанның тұрақты тұрғындарының саны күн сайын орта есеппен 2,1 мың адамға артып келеді. Бұл туралы Өзбекстан Статистика агенттігі мәлім етті, деп хабарлайды «Адырна» ұлттық порталы.
«2023 жыл 1 қазандағы санақ бойынша Өзбекстанның тұрақты халқы 36 599 764 адамды құрады. Бұл сан өткен жылмен салыстырғанда 2,2% пайызға өсті», - деп атап өтті Агенттік.
Сондай-ақ Өзбекстан халқының саны 2023 жылдың басынан бері 574,8 мың, әр айда орта есеппен 63,9 мың, әр күнге 2,1 мың адамға артып келеді.
Статистика агенттігінің мәліметінше, Өзбекстандағы әйелдер саны 18 176 873 адамды, ал ерлер саны 18 422 891 адамды құрайды. 2023 жылдың 1 қазанындағы жағдай бойынша ерлер саны әйелдер санынан 246 018 адамға көп.
«Адырна» ұлттық порталы
