Солтүстік Қазақстан облысында 1,8 млрд. теңге бюджет қаражаты негізсіз жұмсалмақ болған. Бұл туралы облыстық сыбайлас жемқорлыққа қарсы іс-қимыл департаменті айтты, деп хабарлайды «Адырна» тілшісі.
Басқарманың мәлімдеуінше,
мемлекеттік сатып алу сайтының мониторингінің нәтижелері бойынша соңғы 9 айда жоспарланған сатып алу бағасын асыра бағалаудың 79 фактісін анықталған.
«Мәселен, облыстың сыбайлас жемқорлыққа қарсы қызметінің әрекетінен кейін Петропавл қаласы әкімінің аппараты кілем сатып алу бағасын қайта қарады. Оның шаршы метрін 35 000 теңгеден сатып алу жоспарланған, нәтижесінде бюджет қаражатын тиімсіз пайдаланудың алдын алу сомасы 7,8 млн.теңгені құрады»,—делінген хабарламада.
