Беларусь басшысы Лукашенко Қазақстанның тұңғыш президенті Нұрсұлтан Назарбаевты туған күнімен құттықтады, деп хабарлайды “Адырна” ұлттық порталы.
Бүгін Нұрсұлтан Назарбаев 83 жасқа толды.
Халықаралық аренада Қазақстан имиджін қалыптастыру үшін көп күш-жігер жұмсадыңыз. Бүгінде Қазақстан өзінің өнеркәсіп әлеуетін сақтап қалған, нарықтық экономикасы бар, азаматтық қоғам негізі қаланған, этникалық және діни келісім орнаған мемлекет. Бұл көп ретте сіздің еңбегіңіздің арқасы, - делінген Беларусь президентінің құттықтауында.
Ол Назарбаев екеуінің арасындағы достық қарым-қатынасты жоғары бағалайтынын атап өтті.
