Жапон азаматы, қазақтың дәстүрлі өнерінің зерттеушісі Такахащи Наоки қазақ халқын Наурыз мерекесімен құттықтап, домбырамен айрықша нақышта ән шырқады, деп хабарлайды "Адырна" ұлттық порталы.
Қазақстанның Жапониядағы Елшілігі Наурыз мерекесін ерекше атап өтті. Ұлттық өнер мен ұлттық әннің салтанаты жарасқан көңілді кеште Еңбек сіңірген қайраткері Нұржан Жанпейістің жапондық шәкірті, қазақтың дәстүрлі өнерінің зерттеушісі Такахащи Наоки ән шырқап, көпшілік қауымның ықыасына бөленді.
- Қазақстанның Жапониядағы Елшілігі баршаңызды Наурыз мерекесімен шын жүректен құттықтайды және Елшілік өткізген іс-шарада еліміздің Еңбек сіңірген қайраткері Нұржан Жанпейістің жалғыз жапондық шәкірті, қазақтың дәстүрлі өнерінің зерттеушісі Такахащи Наокидің орындауындағы Бәкір Тәжібаевтің «Ақбұлақ» әнін мерекелік тарту ретінде тамашалауға шақырады, - деп жазылған елшілік парақшасында.
"Адырна" ұлттық порталы
