Аты аңызға айналған әйгілі футболшы Пеле 82 жасында қайтыс болды

897
Adyrna.kz Telegram

Аты аңызға айналған әйгілі футболшы Пеле 82 жасында қайтыс болды. Бұл туралы оның қызы Келли Насименту инстаграм парақшасында хабарлады, деп жазады "Адырна" ұлттық порталы.

"Бізде бардың бәрі сіздің арқаңызда. Біз сені шексіз жақсы көреміз. Жатқан жеріңіз жайлы болсын", – деп жазды қызы.

Футболшының қайтыс болғанын оның агенті Джо Фрага да растады.

Пеле - әлемдік футбол тарихында үш рет әлем чемпионы атанған жалғыз спортшы (1958, 1962, 1970). Ол 92 матчта 77 гол соқты. Кәсіби мансабында Пеле 1 281 гол соғып, Гиннестің рекордтар кітабына енген.

Естеріңізде сала кетейік, Пеленің 2021 жылдың тамызында тоқ ішек қатерлі ісігіне шалдыққаны анықталып, оны ауруханаға жатқызған. Қыркүйекте футболшыға шұғыл түрде күрделі ота жасалды, алайда дәрігерлер оған химиотерапия көмектеспей жатқанын хабарлаған еді. 26 желтоқсанда Пеленің отбасымен қоштаса бастағаны туралы ақпарат барлық БАҚ көздерінде тараған. 

"Адырна" ұлттық порталы 

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket