Ерлан Қарин ҚСЗИ Ғылыми Кеңесінің қорытынды отырысына қатысты

896
Adyrna.kz Telegram
Мемлекеттік кеңесші Ерлан Қарин ҚР Президенті жанындағы Қазақстанның стратегиялық зерттеулер институты Ғылыми Кеңесінің қорытынды отырысына қатысты, деп жазады "Адырна" ұлттық порталы. 

Жиын барысында ҚСЗИ-дің директоры Еркін Тұқымовтың институттың 2022 жылы атқарған жұмыстарының қорытындысы мен 2023 жылға арналған жоспарларына қатысты баяндамасы тыңдалды. Сонымен қатар ҚСЗИ директорының орынбасарлары С.Көшкімбаев, А.Жолдыбалина, Б.Әбеновалар ғылыми мекеменің қызметіндегі негізгі мәселелер мен мақсат-міндеттері жайында есеп берді.

Мемлекеттік кеңесші өз сөзінде ҚСЗИ мемлекеттік саясаттың стратегиялық бағыттарын сараптамалық тұрғыдан сүйемелдеуде маңызды миссия атқарып келе жатқанын атап өтті.

"Президент жанындағы Қазақстанның стратегиялық зерттеулер институты жылды қорытындылап, Ғылыми Кеңес өткізді. Онда институттың биыл атқарған жұмысы сараланып, келер жылдың жоспары талқыланды. Ғылыми мекеменің қорытынды жиынына қатысып, институт қызметін жетілдіруге қатысты ойыммен бөлістім", - деп жазды Қарин өзінің инстаграм парақшасында .

Ерлан Қарин ҚСЗИ өзінің кадрлық әлеуетін алдағы уақытта да арттыра беруі, аймақтағы сарапшылар қауымдастығымен қарым-қатынасты бекіте түсуі, зерттеу тәсілдерін жетілдіруі, оның ішінде әлеуметтік зерттеулерді кеңейтуі қажет екенін айтты.

"Адырна" ұлттық порталы 

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket