Home » Айдарлар » Адырнама » Қазақ күресінен Ербол Сыпатаевты еске алуға арналған турнир өтті

Қазақ күресінен Ербол Сыпатаевты еске алуға арналған турнир өтті

Қазақтың спорт және туризм академиясында студенттер арасында қазақ күресінен Ербол Сыпатаевты еске алуға арналған турнир өтті.

Желтоқсан оқиғасының қаһарманын еске алуға арналған турнирге Алматы қаласындағы жоғарғы оқу орындарының студенттері қатысты.

Жарыстың ашылу салтанаты Ербол Сыпатаевты бір минут үнсіздікпен еске алумен басталды. Одан соң желтоқсаншы Гүлбахрам Жүніс, есімтанушы Бердалы Оспан, академияның проректоры Мұхтар Есқараев және «Адырна» этнографиялық бірлестігінің төрағасы Арман Әубәкірлер боздақтардың өмірінен сыр шертіп, солардың арқалаған аманатын жастарға үлгі етіп, елінің патриоты болуға шақырды.

Тартысты өткен бәсекелерде бірінші орынды әл-Фараби атындағы ҚазҰУ-дың студенті Қ.Орынбасар , екінші және үшінші орындарды Қазақтың спорт және туризм академиясының студенттері М.Бердіғали мен А.Оңалбай алды.

Жарыс соңында жүлдегерлер сыйлықтармен, медальдармен және дипломдармен марапатталды.

Жасұлан Наурызәлі,

“Адырна” ұлттық порталы

Пікір жазу

Почта жарияланбайды. Таңдаулы өрісті толтырыңыз *

*

x

Check Also

Алматыда “Тарихтан тағылым: ұлттық идея және дін мәселелері” атты конференция өтті

«Адырна» ұлттық-этнографиялық бірлестігінің ұйымдастыруымен Алматы қаласы ҚР Ұлттық кітапханасында ғылыми-тәжірибелік конференция болып өтті. Аталған шара ...