Елорданың сол жағалауында орналасқан тұрғын үй кешендері жақында бой көтерді. Тұрғындарға пәтерлер беделге, сапаға, ыңғайлылыққа және дамыған инфрақұрылымға сүйене отырып, жайлылық класындағы бағамен сатылған. Бірақ қоныс тойын тойлаған бойда, жайлылықты ұмытқан көрінеді. Себебі, ауада ағынды судың тұншықтыратын иісі бар. Бұл туралы КТК телеарнасы жариялады, деп хабарлайды “Адырна” тілшісі.
Иістің өткір екені сонша, адамдар өз пәтерлерін жауып алса да, одан құтыла алмайды. Ол жел мен жаңбыр кезінде күшейеді екен.
«Біз қоғамдық дәретханада өмір сүретіндейміз. Кешіріңіз, бірақ солай. Бұл тұрақты иіс. Біріншіден, бұл денсаулыққа зиян. Ауада күкірт концентрациясының жоғарылауы байқалады. Біз тіпті СЭС-ке телефон шалдық, өлшеулер жүргіздік, бұл өлшемдер күкірттің өте жоғары деңгейін көрсетті”, - деді тұрғын Әділет Есбергенов
Қараусыз қалған кәріз торабы өмірге үлкен қауіп төндіреді. Адам қалдықтарымен су басқан он метрлік жер асты су қоймасы кез келген сәтте құлап, орнында үлкен шұңқыр қалдыруы мүмкін. Адамдардың қорқатыны осы. Олар әкімдікке бірнеше рет ұжымдық хат жазғанымен, шенеуніктер шара қолдануға асықпайды.
«Жобалық-сметалық құжаттаманы әзірлеуге қаржы сұралатын болады. Осыдан кейін оны әзірлеуге конкурс өткізіледі. Мемлекеттік сараптаманың қорытындысын алған бойда осы кәріздік сорғы станциясын көшіру үшін құрылыс-монтаж жұмыстарын жүргіземіз», - деді деп хабарлады Астана қаласы Отын-энергетика кешені және коммуналдық шаруашылық басқармасының басшысы Әнуарбек Исеналиев.
Шенеуніктердің сөзіне сенсек, тығырықтан іс көктемге қарай жылжуы керек. Қауіпті құрылысты жою операциясы келесі жылдың соңына дейін аяқталады деп күтілуде.
