Украина Президенті В. Зеленский тұтас Украина тұрғындары мен майданда жүрген жауынгерлерге үндеу жолдады, деп хабарлайды "Адырна" ұлттық порталы.
Видео-үндеуде Зеленский Украина тұрғындарын бір болуға, бірлікте болуға шақырып, басқыншылардан Украина топырағын толық азат ететіндігіне сендірді.
- Қазір біздің қарулы күштеріміз Украинаны басқыншылардан азат ету жолында күресіп жатыр. Бірқатар облыстардағы аймақтар мен аудандарды азат еттік. Майдан шебінде қиянкесті ұрыс әлі жалғасуда.
Бұның соңы белгілі. Қазірдің өзінде басқыншылардың тым-тырақай қашқанын көріп отырмыз. Қарсы тарапта адам өлімі өте көп. Уақыт өткен сайын Ресей бізге қарсы келіп, өздерінің оңбай қателескенін ұғынуда.
Өз атажұрты үшін күрескен бірлігі бекем ұлтты ойсырата жеңу де, жасыту да мүмкін емес! - деді Зеленский өз сөзінде.
