Жақын күндері Ресейдегі Қажы-Тархан [Астрахань] облысының Қазақстанмен шекарасында мобилизация пункті құрылып, Қазақстанға өтпекші болған әскер жасындағы азаматтарға шақыру қағазы тапсырылады, деп хабарлайды "Адырна" ұлттық порталы.
Астрахан облысы әкімінің баспасөз қызметінің айтуынша, "Қараөзек" бақылау-өткізу бекеті муниципалитет аумағында орналасқан әрі Қазақстанға қарай көліктер өтетін негізгі бекет.
"Қазір мұнда елден кеткісі келетіндердің ұзын сонар кезегі қалыптасты. Олардың арасында әскер жасындағы ер адамдар көп", - деді Астрахань облысы әкімінің баспасөз қызметі.
Сонымен қатар, әкімдік қызметкерлері бекетте федералды тіркеумен кеткендердің құжаттарын тексеру басталғанын, әскерге бару критерийлеріне сәйкес келетіндер мен мобилизациядан себепсіз қашқандарды шекарадан тысқары шығармайтынын атап өтті.
"Адырна" ұлттық порталы
