Home » Aıdarlar » Adyrnama » Qaratóbelik jas ustazdar áleýmettendirý jobasymen tanysty

Qaratóbelik jas ustazdar áleýmettendirý jobasymen tanysty

4 qazan kúni Muhıt atyndaǵy jalpy orta bilim beretin mektebinde Qazaqstan Respýblıkasynyń Qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen Batys Qazaqstan oblysy boıynsha iske qosylyp jatqan jastardy áleýmettendirý jobasy aıasynda, «Adyrna» ulttyq-etnografııalyq birlestiginiń ókilderi jobany júzege asyrý maqsatynda muǵalimdermen semınar-trenıng ótkizdi. Semınar-trenıng jastardyń rýhanı, áleýmettik, zıatkerlik, fızıkalyq jáne jeke damýyna jaǵdaı jasaý baǵytynda jáne ne sabaq oqymaıtyn, ne jumys istemeıtin, ne trenıngke qatyspaıtyn, belsendiligi tómen jastardyń qataryn azaıtý maqsatynda ótti.

Trenıngte sóz sóılegen «Adyrna» ulttyq-etnografııalyq birlestiginiń dırektory Arman Áýbákir:

– Jastardy áleýmettendirý degenimiz – shyǵarmashylyq, sporttyq, ákerı-patrıottyq, zııatkerlik, qoǵamdyq belsendilik, ulttyq qunydylyqtardy taný, óz-ózin baǵalaý turǵysynan jas tolqynnyń bolashaq tulǵa retinde qalyptasýyna jalpy jaǵdaı jasaý. Árbir balanyń damýy – eń áýeli onyń óz-ózine degen senimdiligin arttyrýmen tikeleı baılanysty. Abaı atamyz aıtady «Júrekte oty joq adamda mı bolmas» dep. Rasynda, júrekte oty bar bala kez kelgen qıyndyqty jeńip shyǵady, bıik asýlardy baǵyndyrady. Sol júrektegi ot ushqynyn darytatyn – otbasynda ata-ana, mektepte ustazdar qaýymy, — dedi.

Odan soń sóz alǵan birlestiktiń oblysymyzdaǵy jobalyq menedjeri Nurlan Sádir jobaǵa 14-17 jas aralyǵynda jastar «Ulttyq qundylyq», «Eriktilikpen áleýmettik belsendilik», «Ásekerı patrıottyq», «Shyǵarmashylyq», «Zııatkerlik», «Sporttyq» syndy alty baǵyt boıynsha baıqaýǵa qatysa alatynyn, joba arqyly jastardy motıvaııalaý júıesi arqyly áleýmettendirý, azamattyq jaýapkershiligin damytý, barlyq sanattarynyń (aýyldyq, belsendi emes, margınaldi jáne t. b.) áleýmettik ınklıýzııasyn qamtamasyz etý syndy mindetterdi júzege asyrý bolyp tabylatynyn aıtty. Semınar sońynda qatysýshylarǵa arnaıy sertıfıkattar men alǵyshattar tabystaldy. 


Raıymbek ABAEV,

Pikir jazý

Pochta jarııalanbaıdy. Tańdaýly óristi toltyryńyz *

*

x

Check Also

BÁIGE! BÁIGE! BÁIGE! “Týǵan jer” shyǵarmashylyq baıqaýyna qatysýǵa shaqyramyz!

  «Týǵan jer» shyǵarmashylyq baıqaýynyń  EREJESI   Baıqaýdyń maqsaty – jastardyń patrıottyq shyǵarmashylyǵyn damytý. Baıqaýdyń ...