ҚР Денсаулық сақтау министрі Ажар Ғиният Қазақстанда түсік жасатуға заңмен тыйым салу мәселесі талқыланбай жатқанын айтты, - деп хабарлайды "Адырна" тілшісі.
«Біздің еліміздегі денсаулық сақтау жүйесі туралы кодексте әйелдің репродуктивті құқықтары бар.Яғни, баласының тууы мен тумауын әйел өзі шешеді және жоспарлайды. Сондықтан біздің елімізде түсік жасатуға тыйым салатын нормалар жоқ және әзірге олар заң жүзінде қарастырылмаған», - деп түсіндірді Ажар Ғиният Орталық коммуникациялар қызметінде өткен брифингте.
Ведомство басшысының айтуынша, елімізде соңғы бес жылда қалаусыз жүктілікті тоқтатудың күрт өсуі байқалмаған.
"Жүктілікті тоқтатпау туралы медициналық, әлеуметтік көрсеткіштер бар. Сондықтан түсік тастауға байланысты барлық медициналық араласулар перинаталдық орталықтар деңгейінде комиссиялық негізде жүргізіледі, дәрігерлермен талқыланады», - деп қосты Ажар Ғиният.
