Қырғызстан зейнетақы ақшасымен ипотеканы жабуға рұқсат етті. Мұндай шешімді министрлер кабинеті қабылдады, деп хабарлайды “Адырна” ұлттық порталы.
Мұндай мүмкіндікті пайдалану үшін қорда кемінде 50 мың сом (626 доллар) болуы тиіс.
Қырғызстан зейнетақы жүйесі базалық және жинақтау бөліктен құралған. Ай сайын жұмыс істейтін әрбір қырғыз азаматы жалақысының 10 пайызын зейнетақы жарна ретінде құяды. 8 пайызы қазіргі зейнеткерлерді қаржыландыратын мемлекеттік қорға түседі, 2 пайызы мемлекеттік жинақтау зейнетақы қорына барады, ол қаражат азаматтың өзінде қалады. Министрлер кабинеті қырғыз азаматтарына осы мемлекеттік жинақтау зейнетақы қорына түскен қаражатты пайдалануға рұқсат беріп отыр.
Қырғызстанда зейнетақы жүйесі 2010 жылы енгізілген.
Осыған дейін Қазақстан билігі де азаматтарға зейнетақы ақшасын баспана және денсаулық мәселесін шешуге пайдалануға рұқсат берген болатын. Алайда осы сәуірден бастап оның талаптары күшейтілген.
“Адырна” ұлттық порталы
