Қырғызстанның "Қаракөл" тау шаңғы базасында 1 ақпан күні аспалы жолдың бір тірегі құлап, бірнеше адам биікте қалып қойды, деп хабарлайды "Адырна" ұлттық порталы Kaktus.Media сайтына сілтеме жасап.
Оқиға Қаракөл шатқалында орналасқан тау шаңғы кешенінде болған. Қырғызстан төтенше жағдайлар министрлігінің баспасөз қызметі хабарлағандай, техникалық топ дер кезінде шара қолданып, адамдарды қауіпсіз жерге түсірді.
"Шаңғы базасының техникалық қызметі қажетті шараларды қабылдап, адамдарды қауіпсіз жерге түсірді. Сонымен қатар, демалушыларға түсіндіру жұмыстарын жүргізу және қауіпсіздік шараларын бақылау үшін Қаракөл қаласының №15 төтенше жағдайлар бөлімінің жедел тобы жіберілді", – делінген ТЖМ хабарламасында.
Қазіргі уақытта оқиға орнына мамандар барып, төтенше жағдайдың себебін анықтау жұмыстары жүргізіліп жатыр.
