Тәліптер қайтадан ауған әйелдеріне бетін және денесін толық жаппай көшеге шығуға тыйым салды, деп хабарлайды «Адырна» тілшісі.
Әйелдердің бетін де, денесін де жабуға міндеттейтін қаулыны Жамандықтың алдын алу және ізгілікті насихаттау министрлігі дайындаған.
Құжатта әйелдердің мүмкіндігінше үйде болғаны дұрыс екені атап көрсетілген.
Ауғанстанның жоғарғы жетекшісі және «Талибан» қозғалысының басшысы Хайбатулла Ахунзада бұл жарлыққа сенбі күні қол қойды.
«Әйелдер чадари киіп, бет-жүзін бүркемелеуі тиіс. Бұл дәстүрлі және құрметті мінез-құлық. Ол ерлермен кездескен кездегі азғырудан сақтайды»,– делінген Жарлықта.
«Адырна» ұлттық порталы
