Талдықорған қаласындағы Назарбаев Зияткерлік мектебінде көктемнің басты мерекелерінің бірі Наурыз мейрамы аталып өтті. Мереке мектеп аумағына алма, алмұрт көшеттерін отырғызудан басталды.
Мектеп оқушылары дайындаған «Ұлыстың ұлы күні – Наурыз» атты салтанатты концерт қонақтарға жылы, шынайы мерекелік көңіл-күй сыйлады.
Халық қолданбалы өнерінің көрмесі ұйымдастырылды. Арнайы жабдықталған киіз үйде қонақтарға қазақтың ұлттық тағамдары мен наурыз көже ұсынылды. Мерекені ұзақ уақыт есте қалдыру мақсатында оқушылар түрлі спорттық ойындар – «асық ату», «арқан тарту», тоғызқұмалақ бойынша сайысқа түсті.
Бүгін мектебімізде сиқырлы атмосфера, бір Шаңырақ астында бүкіл мектеп қауымы Наурыз мерекесін тойлауда. Наурыз – қазақ халқының тұрмыс-тіршілігінің көрінісі, биік рухтың, ұлттық мәдениет пен өнердің, салт-дәстүр мен әдет-ғұрыптың өзегі. Қайтадан тегімізге қол жеткізгенімізге қуаныштымын, - дейді 9-сынып оқушысы Елдар Нұрбек.
Қазақтың әдет-ғұрыптарына ерекше көңіл бөлінді. «Тұсау кесу» салтанатын өткізу құрметі Зияткерлік мектеп директоры Виктор Сосинге берілді.
Ата-аналардың шеберлік сыныбында қазақтың ұлттық тағамдарының бірегей тағамдары ұсынылды. Мектептің ата-анасы Ғалия Әуелбекова оқушыларға қазақтың көне тағамы «Өрмет Төстік» пісіру бойынша шеберлік сыныбын көрсетті.
Наурыз – тамыры тереңде жатқан мереке, ол жаңа істердің басталуын, табиғаттың оянғанын білдіреді. Бұл күні біз бір-бірімізге ең жақсы тілектерімізді айтамыз, сонда барлық қиындықтар бізден өтеді. Мұндай мерекелер қоғамдағы бірлік пен келісім мәдениетін нығайтуға тамаша септігін тигізеді. Оны еліміздегі барлық этнос өкілдері тойлайды. Ұлыстың ұлы күні Наурызда айтылған әрбір ізгі тілек орындалсын! Ұлыстың ұлы күні құтты болсын!, – деген ізгі тілегін жеткізген 12-сынып оқушысы Ажар Әбитаеваның әжесі Кляна Шаяхметқызы Наурыз мерекесін тойлау халық дәстүрін сақтауға септігін тигізетінін баса айтты.
