Home » Жаңалықтар » Ұлттық рухтың жыршысы Дидахмет Әшімханұлының үш томдығы жарыққа шықты

Ұлттық рухтың жыршысы Дидахмет Әшімханұлының үш томдығы жарыққа шықты

Бүгін Халықаралық «Алаш» әдеби сыйлығының лауреаты, Қазақстанның еңбек сіңірген қайраткері Дидахмет Әшімханұлының үш томдық шығармалар жинағының тұсаукесері өтті.

Бұл үштомдықтың алғашқысы «Тасқала» деп аталып, оған қаламгердің повестер мен әңгімелер жинағы енген. «Ақшоқы» аталған екінші томына әңгімелері мен әдеби эсселері және публицистикалық мақалалары енгізілген. Үшінші томдыққа әр жылдары аударылған әлем әдебиеті классиктері  Джек Лондонның «Теңіз қорқауы» романы мен «Күмән» әңгімесі және Джек Голсуорсидің «Девондық адам» атты новелласы кірген.

Шарада Дидахмет Әшімханұлының үзеңкілес достары – Нұрдәулет Ақыш, Әлібек Асқаров, Нағашыбек Қапалбеков, Қуандық Түменбайұлы, Еркін Нұразхан, Нұртөре Жүсіптер Дидағаңның азаматтығы мен шығармашылығы туралы көптеген естеліктер айтты.

Нұрдәулет Ақыш, жазушы:

         – 70-ші жылдары біздің қатарымыздағы бір топ талантты жастар әдебиетке араласа бастады. Солардың ішінде Дидахмет Әшімханұлы өзінің жазу стилімен, ойының өрнекті образдылығымен көзге ерекше түсті. Оның ерекшелігі жайында мен мынаны айтар едім. Біріншіден, ол кісі ойды түйіп айтады. Әрбір шығармасында тағылым бар. Ой бар. Екіншіден, көркем әдебиеттің өзегі көркем тіл десек, Дидахмет Әшімханұлы соны алғашқы тырнақалды туындысынан-ақ жете меңгерген жазушы.


Жасұлан НАУРЫЗАЛИЕВ,

«Адырна» порталы

Пікір жазу

Почта жарияланбайды. Таңдаулы өрісті толтырыңыз *

*

x

Check Also

ШҚО-ның жастары Арыс қаласына гуманитарлық көмек жинауда белсенділік көрсетуде

Облыс аумағындағы барлық жастар ресурстық орталығында жәрдемге жіберілетін заттарды қабылдайтын бекет ашылды. – Мұндай ауыр ...