Лондонда Назарбаевтың отбасы мен жақындарына, серіктестеріне қарсы санкция салуға шақырды, деп хабарлайды "Адырна" ұлттық порталы.
Қазақстанның «клептократиялық элитасы» ақшаларын шетелде сақтап, «халықтан ұрланған» ақшаға байыды, деді Маргарет Ходж 3 ақпанда Британ парламентінің отырысында.
Ол Лондонды экс-президент Нұрсұлтан Назарбаевтың отбасы мүшелері мен оның айналасындағы олигархтарға қарсы санкция салуға шақырып, Ұлыбритания сыбайлас жемқорлықты елемеуге тиіс екенін айтты.
Осы тақырыпқа байланысты Мұхтар Тайжан өзінің Instagram-дағы парақшасында:
"Егер Ұлыбритания бұл активтерге санкция салса, ЕО мен АҚШ та олардан үлгі алуы мүмкін. Ванга 80-ші жылдары сол кездегі коммунист Назарбаевтың құзырында сансыз байлық пен шексіз билік болатынын болжаған. Бірақ ол өз болжамында «өміріңіздің соңында сізге мұның бәрі қажет болмайды» деп қосты. Соған келе жатқан секілді..." деп жазды.
"Адырна" ұлттық порталы
