Пара алды деген күдікпен тұтқындалған «ӨКМ Операторы» ЖШС басқарма төрағасы Медет Құмарғалиевтың жұбайы мәлімдеме жасады, деп хабарлайды «Адырна» тілшісі.
«Бүгін барлық бұқаралық ақпарат құралында менің жұбайымды ұстауға қатысты ақпарат жарияланды, әрі оның елден кеткісі келгені туралы мәлімет пайда болды. Мен күйеуімнің елде қалғанын және оны тастап кеткісі келмегенін хабарлаймын. Берілген ақпарат шындыққа жанаспайды. Медет Құрманғалиев Қазақстанда дүниеге келді, өсті және ешқашан одан кетуді ойламаған.
Ол нағыз патриот, көп балалы әке, экологияға 20 жылдан астам уақыт бойы адал еңбек сіңірген азамат. Биліктен халықты адастырмауын сұраймын», — деп жазды Әсем Құмарғалиева.
Ол сондай-ақ қоғамдық қорғаушы ретінде оның мүддесін қорғайтынын айтты.
Айта кетейік, Нұр-Сұлтанда «ӨКМ Операторы» ЖШС-ның бас директоры Медет Құмарғалиев уақытша тергеу абақтысына қамалған болатын.
«Адырна» ұлттық порталы
