Алматыда 7 қаңтарда тәртіпсіздіктер кезінде 4 жасар қыз қаза тапты

109

Алматыда 7 қаңтарда тәртіпсіздіктер кезінде 4 жасар қыз қаза тапты. Бұл туралы балалар омбудсмені Аружан Саин мәлімдеді, - деп хабарлайды Tengrinews.kz тілшісі.

"4 жасар қыз қаза тапты. Жасөспірім қыз жарақат алды. Олар Сейфуллин мен Сәтбаев көшелерімен қозғалып бара жатқан, көлік ішінде төрт бала мен бір ересек отырған. Оқиға 7 қаңтарда болды", - дейді Аружан Саин.

Омбудсменнің сөзінше, ақпаратты әкімдік пен мәйітханадан алып жатыр.

"Мен ата-аналар мен ересек адамдарға үндеу жасаймын - өтініш, балаларды байқаңыздар! Үйде отырыңыздар! Терезеге жақындамаңыздар! Балаларды жалғыз қалдырмаңыздар! Қажет болған жағдайда БҒМ байланыс нөмірлеріне хабарласыңыздар: +7 7172 74 25 28, +7 7761 70 73 83, +7 777 183 65 67, +7 701 378 66 29. Із-түссіз жоғалған балалар бойынша 1414 нөміріне хабарласыңыздар", - деді омбудсмен.

Аружан Саин Қазақстанның қауіпсіздігін қамтамасыз етудегі Президенттің барлық шешімін қолдайтынын да айтты.

"Бірақ көбі өзімізге байланысты. Сақ болыңыздар, құқық қорғау органдарына халықты қорғауға мүмкіндік беріңіздер", - деді ол.

“Адырна” ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket