Ресей Байқоңыр ғарыш айлағының 16 нысанын арендадан шығармақшы

294

Ресей Байқоңыр ғарыш айлағының 16 нысанын арендадан шығармақшы. Олар 2022 жылдың соңына дейін Қазақстанға қайтарылады, деп хабарлады РИА Новости-ге ғарыш айлағындағы дереккөз.

"Ресей тарапы ғарыш айлағындағы келешегі жоқ, одан әрі пайдаланылмайтын нысандардың тізімін жасады. Оған Ресей Федерациясы жалға алып отырған 16 нысан кірді", - деді дереккөз.

Ол Ресейге керексіз нысандар қазақстандық тарапқа келесі жылдың соңына дейін тапсырылуға тиіс екенін атап өтті.

Дереккөздің айтуынша, тізімге тек жылжымайтын мүлік қана енген жоқ, мүліктің бір бөлігінің қалдық құны бар. Қазір арнайы комиссия Қазақстанға тапсырар алдында оны ресейлік кәсіпорындардың есебінен шығару мүмкіндігін пысықтап жатыр.

Бұған дейін "Роскосмос" бас директоры Дмитрий Рогозин Ресей Байқоңыр ғарыш айлағындағы өзіне қажетсіз нысандарды арендадан шығарғысы келетінін мәлімдеді.

Ресей бұл нысандарды пайдаланбайды, сондықтан ол үшін жауапкершілік алу ақылға қонымсыз, дейді ол.

Ресейдің Қазақстаннан Байқоңыр ғарыш айлағын 2050 жылға дейін жалға алу туралы шартына енгізілген өзгерістер 2021 жылдың жазында күшіне енді. Енді ғарыш айлағы 2050 жылға дейін жалға беріледі.

Бұған дейін 1994 жылы қол қойылған шартта Байқоңыр Ресейге жиырма жылға жалға берілетіні айтылған болатын. Аренда мерзімін 2020 жылға дейін ұзарту туралы уағдаластыққа 2004 жылы қол жеткізілді.

Ресей Байқоңырды жалға алғаны үшін жыл сайын 115 миллион доллар төлейді.

“Адырна” ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket