Тәуелсіздік күні қарсаңында Алматының Қоғамдық кеңес мүшелеріне мерейтойлық медаль тапсырылды, деп хабарлайды ҚазАқпарат.
Қала әкімінің орынбасары Ердан Бабақұмаров Қоғамдық кеңес мүшелерін Қазақстан Республикасы мен Алматы қаласының мемлекеттілігін қалыптастыруға, егемендігін нығайтуға және әлеуметтік-экономикалық дамуына қосқан елеулі үлесі үшін «Қазақстан Республикасының Тәуелсіздігіне 30 жыл» мерейтойлық медалімен марапаттады.
«Алматы әкімі Бақытжан Сағынтаевтың атынан қаланың тыныс-тіршілігінің әлеуметтік маңызды мәселелерін шешуге қосқан үлестеріңіз бен бірлескен жұмыс үшін алғыс айтамын. Біз қала тұрғындарының игілігі үшін салиқалы ынтымақтастықты одан әрі жалғастыратынымызға сенімдімін», - дейді Ержан Бабақұмаров.
