ӘЛІБЕК ШЕГЕБАЙ: Даңғаза

535

Доғарыңдар,
Жетер енді,
Тоқтатыңдар мазақты!
Белден басып бетегемді,
Қорладыңдар Қазақты.

Бұл не деген тәубесі жоқ,
Бітпейтұғын даңғаза?!
Көз арбайтын сәулесі көп...
Бәрі өтірік,
Далбаса.

Күдік пенен күмән жұпты,
Сырбаз - сырды сақтау бар.
Мезі қылды мына жұртты,
Марапат пен мақтаулар.

Сауық-сайран көргендерің,
Опа тапқан кім одан?!
Таққан медаль, ордендерің,
Құтқармайды күнәдан.

Көкіректер – сұрақ тұнған,
Көңілдерді қозғасын.
Кім сүртеді,
Жылап тұрған,
Желтоқсанның көз жасын?!

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket