Мысырда толассыз жаңбыр салдарынан баспаналарынан шыққан шаяндар 400-ден астам адамды шағып алған деп хабарлайды "Адырна" ұлттық порталы ВВС-ге сілтеме жасап.
Елдің оңтүстігінде орналасқан Асуан қаласында бұршақ аралас жаңбыр жауған. Жаңбыр шайып, шаяндардың індерін су басқан, ал жәндіктер жауыннан қала үйлерінен пана іздей бастаған.
Қазір Асуан көшелерінде нағыз шаяндардың шабуылы жүріп жатыр, олар көшелермен жорғалап, ағаштардан адамдардың үстіне құлауда .
Мысыр денсаулық сақтау министрлігінің мәліметі бойынша, шаяндар кем дегенде 450 адамды шағып алған. Бірқатар мысырлық БАҚ қайтыс болғандар туралы хабарлады, бірақ бұл ақпарат ресми расталған жоқ.
Осы жағдайға байланысты дәрігерлер шаян шағып алған науқастарға көмек көрсету үшін тұрғындарды екпе алушылар тізімінен алып тастады.
Мысырдың оңтүстігіндегі медициналық орталықтар, соның ішінде шалғай ауылдардағы медициналық пункттер тұрғындарға шаянның уына қарсы дозалар беріп жатыр. Сондай-ақ тұрғындарды үйлерінен шықпауға және ағаштардан аулақ жүруге шақыруда.
"Адырна" ұлттық порталы.
