Qazaq Air әуе компаниясының атауы VietJet Kazakhstan боп өзгереді. Бұл туралы Астанада өткен Қазақстан мен Вьетнам арасындағы іскерлік кездесуде «Самұрық-Қазына» акционерлік қоғамының басқарма төрағасы Нұрлан Жақыпов айтты, деп хабарлайды “Адырна” ұлттық порталы.
«Мәміле жекешелендірудің кешенді жоспары аясында жүзеге асты. Сатып алушы — SOVICO Group компаниясы. Мәміленің кейінге қалдырылған барлық шарттары орындалды, төлем толық көлемде қабылданды. Ал акциялар инвестордың есепшотына аударылды», — деген ол.
Айта кетейік, бұған дейін Вьетнамдық SOVICO Group компаниясы Қазақстанда әуежай сатып алуға мүдделі екенін айттық. Бұл туралы премьер-министрдің орынбасары-ұлттық экономика министрі Серік Жұманғарин айтты.
