«Екі тісін сындырған»: Павлодарда балаларын соққыға жыққан әке ұсталды

1417

Павлодарлық әке балаларын соққыға жықты, деп хабарлайды «Адырна» тілшісі Polisia.kz-ке сілтеме жасап.

Полицияға Павлодар қаласының 36 жастағы тұрғыны хабарласып, 28 қазанда күйеуі 6 жасар ұлы мен 7 жасар қызын ұрып-соққаны туралы айтты. Сонымен қоса, әкесі ұлының екі тісін сындырған.

– Шақыруға келген полиция қызметкерлері жұбайының жұмыста болғанын анықтады. Үйде әкесімен бірге қалған балалар тентектік жасап, балконға жүгіріп, әкесінің ескертулеріне құлақ аспаған. Балаларды “тыныштандыру” үшін ер адам ұзақ ойланбастан жұдырығын жұмсады, – деп хабарлады Павлодар облысы Полиция департаментінің баспасөз қызметі.

Анасы келгенде отағасы үйде болмағанын, оның жұмысқа кеткенін айтты. Әйел дереу ауруханаға хабарласып, медициналық көмек сұрады.

Осы факті бойынша Қазақстан Республикасы ҚК-нің 140-бабы 2-бөлімі бойынша сотқа дейінгі тергеу қозғалды. Сараптама тағайындалды.

«Адырна» ұлттық порталы

Пікірлер
Редакция таңдауы