Білім және ғылым вице-министрі Шолпан Каринова Орталық коммуникациялар қызметінде өткен брифингте қазақстандық балалар арасында танымалдылыққа ие болып келе жатқан «Squid Game» (Кальмар ойыны) сериалының бала психикасының қауіптілігіне қатысты түсініктеме берді, деп хабарлайды "Адырна" тілшісі.
Балалардың арасында "Кальмар ойынының" танымалдығы үлкен алаңдаушылық туғызады, дейді БАҚ өкілдері. Осыған байланысты олар бұл сериалдың бала психикасына қауіпті екендігі туралы түсініктеме беруді сұрады.
Шолпан Каринова бұл сериалдың қазақстандық өндірістен емес екенін және оның белгілі бір шектеулері бар екенін, яғни оның 18 жастан асқан ересектерге арналғанын айтты.
"Бұл фактке бірінші кезекте ата-аналар назар аударуы керек. Екіншіден, ата-ана да, мектеп те оқу іс -әрекеті шеңберінде балалардың бойында пайдалы ақпаратты терісінен ажырату дағдысын қалыптастыруы тиіс, мектептерде осы мәселеге назар аудару қажет. Әрине, баланың психикасы енді ғана қалыптасып жатыр, сондықтан кез келген ақпаратты мектепте де, үйде де ата -аналар бақылап отыруы керек", - деді ол.
Ол осы жылдан бастап барлық білім беру ұйымдарында балалардың сыни ойлауын, эмоционалды интеллектін дамытуға, ақпаратты ажыратуға және таңдауға, сонымен қатар дұрыс ақпаратты таңдауға арналған әлемдік құзыреттілікті таңдау курсы енгізілетінін айтты.
Бұл курс осы оқу жылында жүзеге асады. Сонымен қатар, білім беру функциясы аясында мектептер бұл сериалдардың шектеулеріне нақты назар аудару керектігін есте ұстауы керек », - деп түйіндеді Каринова.
"Адырна" ұлттық порталы
