150 мың халқы бар Өзбекстанның Чирчик қаласының билігі елдегі барлық топонимдер мен белгілерді орыс тілінен өзбек тіліне ауыстыру науқаны туралы шешім қабылдады, деп хабарлайды “Адырна” ұлттық порталы Александр КОЦ жазбасына сілтеме жасап.
«Өтінемін» емес, «iltimos», «дүкен» емес, «Docon», «касса» емес, «газна».
Қала әкімдігінің руханият бөлімінің ұйымдастыруымен мемлекеттік тілді қолдау бойынша қалада дұрыс сөздер мен атаулар жазылған тақтайшалар ілінді - олар жасыл белгімен белгіленген. Ал орыс сөздерінде қызыл крест тұр.
Бұл бастама кезекті русофобиялық шабуылға ұқсайды.
Әрине, Өзбекстанның «Мемлекеттік тіл туралы» Заңына жүгінсек, оған сәйкес азаматтар өз қалауы бойынша ұлтаралық қатынас тілін таңдауға құқылы. Ал күнделікті өмірде қолданысқа енген сөздерді реттеуге ешкімнің құқығы жоқ.
Бірақ бізге орыс тілі не үшін қажет, тіпті Мәскеудің өзінде бәрі өзбек тілінде болса?
Жақында көші-қон орталықтарына тікелей жақын орналасқан қала билігі тәжік және өзбек тілдерінде жазулар жапсырған болатын.
Жұмысқа рұқсат алу ережелеріне сәйкес олар орыс тілінде сөйлеуге міндетті. Тіпті емтиханды да орыс тілінде тапсырады. Ал Өзбекстанның Ішкі істер министрлігі осының негізінде ұлтаралық шиеленіс туралы ақпаратта «жекелеген деструктивті азаматтар мен әлеуметтік желілердің белсенділері республикада да, одан тыс жерлерде де ақпарат таратады» деп сендіреді.
Деструктивті белсенділер Чирчик қалалық әкімдігінің руханият бөлімінде...
”Адырна” ұлттық порталы
