Владимир Путин Ресейдің ядролық доктринасын Джо Байден Украинаға АҚШ-та жасалған қаруды пайдалана отырып Ресей территориясына соққы жасауға рұқсат бергеннен кейін екі күн өткен соң жаңартты, деп хабарлайды “Адырна” ұлттық порталы.
Euronews агенттігінің мәліметінше, сейсенбі күні жарияланған жаңартылған доктринаға сәйкес, Мәскеу кез келген ядролық емес мемлекеттің агрессиясын Мәскеуге қарсы бірлескен шабуыл деп қарастырады.
Кремль сейсенбіде ядролық соғыстың жаңа кезеңін бастады, қайта қаралған әскери доктрина ядролық қаруды бірінші рет қолданудың шектеуін теориялық тұрғыдан төмендетеді деп мәлімдеді.
Сейсенбі күні журналистермен телефон арқылы сөйлескен Кремльдің баспасөз
хатшысы Дмитрий Песков бұл өзгерістер «Ресей Федерациясы өзіне және/немесе Беларусь Республикасына қарсы кәдімгі қаруды қолданатын агрессия жағдайында ядролық қаруды қолдану құқығын өзіне қалдыратынын» атап өтті.
«Бұл құжаттың маңызды элементі ядролық тежеу Ресей Федерациясына немесе оның одақтастарына қарсы агрессия жағдайында әлеуетті қарсыластың жауап әрекеттерінің болмай қоймайтынын түсінуін қамтамасыз етуге бағытталған», - деді Песков.
Айта кетейік, бүгін БАҚ беттерінде Украина алғаш рет америкалық ATACMS зымырандары арқылы Ресей аумағына соққы бергені туралы ақпарат тарағанын хабарладық.
Новости по теме
