Тоқаевтың Корея республикасына мемлекеттік сапары басталды

690

Қазақстан президенті Қасым-Жомарт Тоқаев 16 тамыздан бері мемлекеттік сапармен Кореяда жүр, деп хабарлайды "Адырна" тілшісі.

Бұл туралы Мемлекет басшысының баспасөз хатшысы Берік Уәли хабарлады.

Ақордада жазғандай, Тоқаевтың Корея Республикасына мемлекеттік сапары Қазақстан Президентін Көк үйде ресми қарсы алу рәсімінен басталды.

Қазақстан Президентін Оңтүстік Корея Президенті Мун Чжэ Ин салтанатты түрде қарсы алып, құрмет көрсетті.

Қазақстан мен Оңтүстік Кореяның мемлекеттік әнұрандары орындалғаннан кейін, мемлекеттер басшылары Құрмет қарауылын бойлай өтіп, екі елдің туына тағзым етті және ресми делегациялардың құрамымен таныстырды.

 

Бұдан кейін Қасым-Жомарт Тоқаев Құрметті қонақтар кітабына қолтаңба қалдырды.

"Адырна" ұлттық порталы

 

 

Пікірлер
Ұқсас жаңалықтар