Меморган басшылары ақпаратқа қол жеткізу мәселесіне баса назар аударуы тиіс - АҚДМ

873

Нұр-Сұлтан қаласында Ақпарат және қоғамдық даму министрі Аида Балаеваның төрағалығымен Ақпаратқа қол жеткізу мәселелері жөніндегі комиссияның кезекті отырысы өтті. Қашықтан өткен отырысқа орталық мемлекеттік және жергілікті атқарушы органдардың, квазимемлекеттік сектордың, үкіметтік емес және басқа да ұйымдардың өкілдері қатысты деп "Адырна" ұлттық порталы ҚазАқпаратқа сілтеме жасай отырып хабарлайды.

Отырыс барысында Ашық үкімет порталдарын және Мемлекеттік органдардың интернет-ресурстарының бірыңғай платформасын (МО ИРБП) дамыту, сондай-ақ мемлекеттік органдардың Мемлекеттік аппараттың бюрократиялығын төмендету жөніндегі жол картасын іске асыруы туралы ақпарат тыңдалды. Қабылданып жатқан шаралар мен проблемалық мәселелер, оның ішінде мемлекеттік органдардың «Ашық деректер» порталдарындағы және МО ИРБП-дағы ресми парақшасындағы ақпаратты уақытылы өзектендірмеуі туралы Ақпарат және қоғамдық даму вице-министрі Б.А. Тлепов баяндады.

Өз кезегінде министр «Ақпаратқа қол жеткізу туралы» Заңға сәйкес барлық мемлекеттік органдарда ақпаратқа қол жеткізу мәселелері бойынша анықталған уәкілетті тұлғалар осы мәселелерді бақылауда ұстауы тиіс екенін атап өтті.

«Демек, олардың тарапынан тиісті мониторинг, үйлестіру және бақылау жүзеге асырылмайды. Бүгін мемлекеттік органдар басшыларының назарын осыған аударамын», - деді Аида Балаева.

Сонымен қатар Цифрлық даму, инновациялар және аэроғарыш өнеркәсібі вице-министрі А.Н.Тұрысов өз сөзінде «Ашық үкімет» және МО ИРБП порталдарын одан әрі дамыту, оларды іске асыру тетіктері бойынша ұсыныстар жасады.

Өз кезегінде, А. Балаева мемлекеттік органдар өкілдерінің ескертулері мен қоғамдық сын Ашық Үкімет пен МО ИРБП порталдарының жұмысын дереу жетілдіру қажеттігін айғақтап отырғанын атап өтті. Сондай-ақ министр желтоқсан айында комиссия отырысында ЦДИАӨМ-мен атқарылған жұмыстар туралы ақпаратты тыңдауды ұсынды. Отырыс қорытындысы бойынша комиссия ақпараттандыру саласындағы уәкілетті органға және мемлекеттік органдарға «Ашық үкімет» порталдарымен, мемлекеттік органдардың интернет-ресурстарының бірыңғай платформасымен және басқалармен жұмыс сапасын күшейту бөлігінде бірқатар ұсынымдар әзірледі.

Ақпарат www.inform.kz сайтынан алынды

Пікірлер
Редакция таңдауы