АҚШ әскери-әуе күштері осы аптада әлемнің кез келген нүктесіне жүктерді жылдам жеткізу үшін пайдаланылатын зымырандарға арналған бағдарламасын кеңейтіп жатқанын жеткізді деп хабарлайды «Адырна» ұлттық порталы 3dnews.ru-ға сілтеме жасап.
АҚШ ғарыш күштерінің эксперименттік ракеталық жүк бағдарламасын Пентагон басқарады.
АҚШ Әуе күштері Rocket Cargo бағдарламасын қаржыландыру үшін шамамен 50 миллион доллар сұрап отыр. Бұл қаржы өткен жылы SpaceX пен Exploration Architecture Corporation компанияларымен басталған ғылыми-зерттеу жұмыстарын жалғастыруға қолдау көрсетуі керек.
Әскерилер әртүрлі жүктерді ғаламшардың кез-келген нүктесіне жылдам жіберу үшін қайта қолданылатын зымырандарды қолданбақ. Бағдарлама ғарыштық ұшырулар үшін қайтымды бірінші сатысы бар зымыран тасығыштарды қолданатын жалғыз жеке компания - SpaceX дамуын зерттейді.
Зымыран жүк бағдарламасы аясында қайта пайдалануға болатын зымыранның арнайы бөліміне 100 тоннаға дейінгі жүкті жылдам жүктеуге мүмкіндік беретін жүйені дамыту жоспарлануда. Зымыран ұшырылғаннан кейін мақсатты жерге жетіп, тік қонуға тиіс. Сондықтан әскери күштер ұшақтарды пайдаланудан гөрі жүкті тезірек ауыстыра алады.
«Адырна» ұлттық порталы.
