Алматылық жасөспірім 9 қабатты үйдің төбесінен құлап қайтыс болды

1155

Алматы облысында 11 жасар бала көпқабатты үйдің төбесінен құлап қайтыс болды, деп хабарлайды «Адырна» ұлттық порталы.

Бұл оқиға 24 мамырда, сағат 18:00-де Талғар ауданы Бесағаш ауылында орын алған. Куәгерлер баланың өзге балалармен үйдің төбесінде ойнап жүргенін айтты. Олардың айтуынша, балалар бір үйден екінші үйге өтіп жатқанда ғимараттар арасын жауып тұрған бөгет баланың салмағын көтере алмаған.

«Үлкендердің қарауынсыз қалып, балалармен үйдің төбесінде ойнап жүргенде ол абайсызда сейсмотермошва аралығына құлап кеткен. Оның ені 60 сантиметр, ұзындығы 17 метр, биіктігі 27 метр. Бала оқиға орнында қаза тапты», - деді Алматы облысының төтенше жағдайлар департаменті.

"Адырна" ұлттық порталы

Пікірлер
Редакция таңдауы