Алтын Орда тарихы туралы кино түсірілмек

811

Алтын Орда тарихы туралы кино түсіріледі, деп хабарлайды “Адырна” ұлттық порталы “Qazaqstan” телеарнасына сілтеме жасап. 

Ұлттық киноны қолдау мемлекеттік орталығы Алтын Орда тарихына арналған ірі киножобаның тұжырымдамасын әзірлеуге кірісті.

Осы мақсатта кино орталығының жанынан арнайы жұмыс тобы құрылған, ол Үкіметке болашақ туындының негізгі көрінісін, моделі мен архитектурасы бойынша ұсыныс бермек.

Киножобаға дайындықтың бірінші кезеңінде кәсіби тарихшылар мен тәжірибелі кинодраматург, этнографтар мен әдебиеттанушылардан ақпарат жиналады.

Сонымен қатар, үлкен халықаралық тарихи киножобаларды жасау бойынша табысты тәжірибесі бар Голливуд, Еуропа, Ресей және Азияның үздік өндірістік компаниялары арасынан жаһандық серіктестер мен инвесторларды іздеу жүргізіліп жатыр.

Пікірлер
Ұқсас жаңалықтар