Месси аңыз футболшы Пеленің "мәңгілік" рекордын жаңалады

2899

"Барселонаның" аргентиналық шабуылшысы Лионель Месси Бразилия құрамасында әлемнің үш дүркін чемпионы болған Пеленің бір клуб үшін соққан голдарының саны бойынша жетістігін жаңартты, - деп хабарлайды "Адырна" ұлттық порталы РИА Новости-ге сілтеме жасап. 

Месси Испания чемпионатының 15-турында "Вальядолидаға" қарсы ойынның 65-минутында есепті 3:0-ге жеткізді. Бұл осы ойындағы соңғы гол болды. Енді 33 жастағы аргентиналық футболшының "Барселона" үшін соққан голы 644-ке жетті. Бұл - жаңа рекорд.

Месси 2004 жылдан бері "Барселона" сапында.

Пеле "Сантос" клубында 1956-1974 жылдар аралығында ойнап, 643 гол соққан болатын.

Осыған байланысты Пеле әлеуметтік желі арқылы Мессиді құттықтап, бір команда сапында ұзақ жыл ойнап, рекорд жасайтындар қатары сирей беретінін атап өтті.

Пікірлер
Ұқсас жаңалықтар