Париж Олимпиадасының чемпионы Елдос Сметов той жасап, қунышты сәтін желіге жариялады, деп хабарлайды "Адырна" ұлттық порталы.
Парижде алтын медаль иеленген қазақстандық дзюдошы Елдос Сметов Таразда екі ұлының сүндет тойы мен қызының тілашарын жасады. Кештің видеосы спортшының Instagram желісіндегі парақшасында жарияланды.
Аталмыш тойға Елдостың туған-туыстары, танымал әншілер, актерлар, өнер адамдары, спортшылар қатысқан. Бейнеден Елдос Сметов пен оның отбасын құттықтау үшін Мейрамбек Беспаев, Сәкен Майғазиев, Төреғали Төреәлі, Ермахан Ибраимов, Ғұсман Қырғызбаев сынды қазақ эстрадасының жұлдыздары, спортшылар, әртістер мен кәсіпкерлер келгені байқалады.
