Ливандық Хезболла ұйымының марқұм көшбасшы Хасан Насрулланың орнына келеді деп күтілген Хашем Сафи ад-Дин де қаза тапты, деп хабарлайды "Адырна" ұлттық порталы халықаралық агенттіктерге сілтеп.
8 қазан күні Израиль премьер-министрі Биньямин Нетаньяху Ливанның "Хезболла" ұйымы лидерінің өлтірілгені туралы хабарлады.
Нетаньяху өз кеңсесі жариялаған Ливан халқына видео үндеуінде тиісті мәлімдеме жасады. Ол бұл қозғалысты Ливандағы жалғасып жатқан қаржылық дағдарыстың себебі деп айыптап, өз елін Хезболладан «азат етуге» шақырды.
«Біз Хезболланың әлеуетін әлсіретіп тастадық, соның ішінде Насрулланың өзін, оның мұрагерлерін өлтірдік», - деді Б.Нетаньяху.
Еврей мемлекетінің премьер-министрі де Хезболланың әлсірегені туралы айтты.
Нетаньяху Израильдің Хезболлаға қарсы күресін жалғастыруға бел байлағанын баса айтты.
Айта кетейік, Ливанның Хезболла ұйымының басшысы, Хасан Насрулла 27 қыркүйек күні Бейрутте Израильдің әуе шабуылы кезінде қаза болды
