«Іле Алатауының Тянь-Шань жотасының солтүстік беткейінде орналасқан «Нұрсұлтан» шыңының атауы өзгермейді. Бұл туралы 29 тамызда «Власть» жазды, деп хабарлайды «Адырна» тілшісі.
Алматы облысының Тілдерді дамыту жөніндегі басқармасының мәліметінше, шың атауын өзгерту туралы ешқандай ұсыныс түспеген. Бұған дейін әлеуметтік желіде «Нұрсұлтан» шыңы «Алматы» шыңы деп өзгертіледі деген ақпарат тараған еді.
Айта кетейік, альпинистер үнемі шығып тұратын шыңның бұрын да атаулары көп болған. Олардың біріншісі — «Кіші Алматы шыңы». Одан кейін бұл биік "Комсомол шыңы" аталды. 1997 жылдан бастап Іле Алатауындағы шыңға Қазақстанның тұңғыш президентінің есімі берілгені айтылады.
